北海道之旅起動 其之一
好, 把心一橫, 我地兩個用左一個星期五夜晚同一個星期六朝 (只係呢兩日o既事), 加多一本紫色”閃令令”o既北海道天書, 咁就plan 好去日本啦 (註: 今次只係小弟自娘胎以黎第二次東南亞之旅)
今次主要目標 (排名分先後): 海產, 海產, 海產, 超級relax, 睇靚野
本著唔識行最多全日匿o係酒店o既精神, 大概plan 好o既路程如下:
十二至十三號: 香港 -> 札幌 (應該book sheraton)
十三至十四號: 札榥 -> 旭川 -> 層雲峽 (book唔到溫泉酒店, 驚緊….)
十四至十五號: 層雲峽 -> 阿寒湖 (booked 鶴雅)
十五至十六號: 阿寒湖 -> 美瑛/富良野 (未有idea book 邊間)
十六至十七號: 富良野 -> 巽鮨, 札幌 (應該會 book nikko)
十七至十八號: 札幌 -> 小樽 -> 札幌 (都係nikko)
十八至十九號: 札幌 -> 香港
暫時問過下旅行社機位都無問題, 酒店就真係要睇下好唔好彩啦……. (因為由今日開始搞到出發都係三星期…..)
p.s. 隔離果個話唔該特別嗚謝佢諗個plan 出黎
回應(2) | 回應的RSS | 暫時未有引用通告
玩具weｂ現況
近況最明顯的， 相信是商業味濃厚了十倍有多， 廣告banner 上下左右鋪天蓋地， 也很多跟玩具無關的
當然，要維持server 成本， 網頁製作這些那些， 錢是需要的
人不在其政， 也沒什麼好說的
玩具種類多了， 人多了， 很多有心的post 半小時後已經不見， 可喜是， 精心的文章還是有的
按此回應 | 回應的RSS | 暫時未有引用通告
Rest in peace
朋友E 的母親死了, 她深表內疚
內疚沒做好本份, 內疚唯一親人也沒好好照料
唯一親人也離去的感覺, 就算未經歷過也知道那難受的感覺會多利害
短期的, 一人處理葬禮, 遺產, 身邊沒親人支持, 幫助, 商量…….
長期的, 感覺上….. 沒有家了……
願一切安好
按此回應 | 回應的RSS | 暫時未有引用通告
點解要分手呀
A: 痴線架, 無啦啦話分手
B: 咁, 佢有無話點解?
A: 佢話無時間陪佢, 我所有時間都陪佢啦
B: 一個星期見幾多?
A: 一至五梗係無啦, 返工都返到十點幾, 電話都唔得閒打俾佢啦, 星期六, 日訓醒咪搵佢囉, 大佬, 一至五咁攰, 星期六, 日訓到兩, 三點咪搵佢囉
B: 即係一個星期一次左右?
A: 參唔多啦
B: 上次送禮物係幾時?
A: 佢生日囉
B: 再上次呢?
A: 聖誕囉
B: 再上次呢?
A: 再對上生日囉
B: 即係一年送兩次?
A: ……
B: 佢呢?
A: 間唔間都有o既……
B: 佢約你係咪通常都唔得, 你搵佢就次次都話ok?
A: 都係o既……
B: 佢要分手都叫痴線?
A: ……..
回應(2) | 回應的RSS | 暫時未有引用通告
泳兒, 洗唔洗賣大包呀? (大碟Close to You)
自從網上聽了演唱會版的無心戀唱, 想找這隻演唱會CD 很耐, 怎料竟然一路都搵唔到 (而家個個開完演唱會, 三五七日都即出CD, DVD….. 泳兒唔係咁有性格呀!!!?)
前兩日買張敬軒的碟時 (很失望, 抄蘇芮已經有d 扯火, 有機會再講), 見到大大隻字”泳兒 - 第三隻大碟”, 好奇下拿來看看, 唔睇由自可, 一睇背脊, 嘩, 碟都有四隻, 再望埋d 歌, 唔係咩咩remix, 純音樂又一首果d 喎, 無咩重覆架喎
先黎竟然係我等左好耐o既演唱會CD, 仲要打孖上, 再黎新舊歌dvd karaoke, 再黎先真正第三大碟 CD
公司真係對泳兒咁無信心, 要四CD 單碟價出貨?! 再望望package, CD size 紙盒 (盒你都講? 唔係呀大佬, 今時今日大大個盒果d 我真係一見到都嘔啦), 入面四CD, 再黎精美畫冊, 再黎靚靚歌詞…….. 係好有心機下喎
真係唔知市道要做到咁先有人買, 定係真係公司落重本捧佢啦, anyway, 泳兒, 你要努力, 真係唱得好聽買少見少……
[圖1] 如果大家買過下外國 CD, 九成都唔會見到一盒野入面有十九幾樣野
[圖2] 賣大包預告?? sorry, 爛gag, 不過這樣的”裝”, 真的很怪呢
[圖3] 這些設計頗有心思的
回應(2) | 回應的RSS | 暫時未有引用通告
Batman Tee by Izzue
質料非常的渣, 三百多元相信是九成為版權費吧…….. 俾錢是…….. 太鍾意個design……
P.S. 我不會著住黎睇戲的…. 我不是小朋友….. 我不會….我會阻止自己……..
回應(3) | 回應的RSS | 暫時未有引用通告
TFA Transformers Animated 變型金剛卡通版
筆者對簡約的東西有一定的喜好, 例如蝙蝠俠這樣的卡通畫法, 在十二, 三歲時便喜歡至今 (今天還在儲這個系列的漫畫….)
這樣的畫風在近期也大行其道, 如Star Wars - Clone Wars, Samaurai Jack 等等也相當有名, 年幾前變型金剛也來這個風格, 不過, 套用在機械人裏, 後多fans 也覺得不是味兒, 喂, 大佬, 四四方方的機械人怎能這般珠圓玉潤的!!?? (編按: 珠圓玉潤正確不是這個解釋的)
老實說, 不像開首時的Batman Animated, TFA 也真的兒童向, 打倒壞人, 拯救人類, 來一些新的壞人, 再拯救人類, 無甚深度的卡通筆者看了三數集也就投降了
可幸的是, 它的玩具產品卻不是這樣的一回事. 由於不能制作”珠圓玉潤”的變型玩具, 這個系列仍保持四四方方的機械人感覺, 說真的, 還真有Generation One 時的影子, 加上龐大的熟口熟面角色支援 (大部份起用前期的角色設定, 不像BEAST WARS 般把它搞個翻天覆地), 對老一輩來說, 實在吸引
這個系列的變型系統是不新東西, 筆者真的不知道, 但拿上手作個變型, 也不是什麼易事, 當成功來回變一次之後, 也真的蠻有滿足感
遲些來個真正的玩具REVIEW
回應(1) | 回應的RSS | 暫時未有引用通告