日日玩玩具

Animated 系列最討厭的一輯, Batman 實在多口得可怕, 天真得像小朋友

這個受傷版是雜價攤買回來的, 二十大洋

大圖: http://i23.photobucket.com/albums/b388/nesid_oh/Toysdaily200801/news2.jpg

from Apple daily, 05/18/2008

滿足感仲大過打機

一向淨色的影玩具已經有d 厭, 呢排興背景用電腦開個靚靚wallpaper, 我又唔係太鍾意

所以把心一橫, 去火車模型舖購入了不少現成迷你情景, 諗住搞搞新意思

可惜, 呢類舖唔多, 所以要搵o岩心水野真係幾難, 而且玩得呢d o既人, 通常鍾意tailor made（唔係就大煲，因為下下幾十，幾百棵樹ｏ既情景，買都幾係野），類似我呢ｄ想買現成都幾頭痛

最後都俾我買到ｄ，而家嘗試左砌右砌，睇下咩效果，最大問題都係未整到有景深ｏ既感覺（唔係相機果ｄ）

先旨聲明, 這個topic 不是唱衰地產經紀

因家人要換樓關係, 在區內看了幾個樓盤, 在同一屋苑的兩座大廈裏, 看了十多個單位, 終於找到滿意的, 六千多元一呎

因準備以一買一賣的方式, 天真的我們以為補回八十萬差價, 便能買到心水樓宇

後來才發現, 佣金要成交價的一個巴仙 (買家賣家都要支付), 這次交易, 四百萬的樓, 經紀就有八萬元的佣金

嘩, 我幾個月人工都未有呀, 你這樣想的同時, 我也有同一個想法  (可幸的是, 到完全成交收樓才付) (註: 個別地產公司做法不同)

當然, 對著我們這些客客氣氣, 睇幾次就仆槌的買賣雙方, 經紀當然會舒服

但有些客去到人屋企彈三彈四, 又話者話買話賣, 傾好價又縮沙, 又或半夜打黎叫你同佢分析返三五七個鐘買定唔買, 又或者叫你同業主壓返兩三成價, 日哦夜哦你搞個業主唔掂, 呢d情況好多經紀都會遇到, 仲要間唔間諗計補鑊

我就一定做唔到, 我最憎d 野講完又講, 無咩耐性

當然, 我真係好羨慕咁就搵到幾萬 (當然要俾公司食超過六, 七成的佣金), 又可以週圍行下, 食下tea, 呢d生活真係令人嚮往

下期預告: 唔好以為買四百萬樓, 剩係要俾四百萬  (之前先加插玩具blog一則, 不過暫未諗到TOPIC)